Anfonwyd y llythyr hwn gan R. J. Thomas o fwrdd llong y 'Cambrian Warrior', Doc Victoria, Melbourne, Awstralia, at ei ewythr, ei fodryb a'i gefnder yng Nghaernarfon, 28 Tachwedd 1897. Mae'n diolch iddynt am eu llythyr a dywed ei fod wedi gofyn i'w dad am ganiatâd i roi'r gorau i'w yrfa ar y môr ac i fynd yn haearnwerthwr. Mae'n rhoi hanes ei fordaith ddiflas a dywed iddynt fod ar y môr am 95 o ddyddiau. Mae'n falch fod ei dad wedi cyrraedd pen ei fordaith yn ddiogel. Sonia am bwysigrwydd addysg eu gefnder a dywed ei fod yn difaru iddo adael yr ysgol heb gwblhau ei addysg gan ddewis gyrfa ar y môr:
'I think it is a dog's life not a man's. If I knew what I know to-day I would never speak of the sea.'