Cyhoeddwyd y pamffled hwn ym 1849 ac mae'n adrodd hanes y gwaith peirianyddol a oedd ynghlwm yn y dasg o godi Pont Britannia dros Afon Menai. Cynlluniwyd y bont gan Robert Stephenson, mab yr arloeswr locomotifau George Stephenson, ac fe'i hadeiladwyd i gario trenau o'r tir mawr i Ynys Môn. Wynebai'r peirianwyr sawl her wrth godi'r 'bont diwb' hon. Roedd y ddau diwb haearn yn mesur 472 troedfedd o hyd ac yn pwyso tua 1800 tunnell yr un. Er mwyn eu gosod yn eu lle, penderfynwyd y byddai'n rhaid eu nofio ar y dŵr, cyn eu codi i'w lle gan ddefnyddio pympiau hydrolig.