Peintiad olew o'r 'Bramley Moore' gan arlunydd anhysbys.

Adeiladwyd llong y 'Bramley Moore' yng Nghanada tua'r flwyddyn 1856. Roedd yn pwyso 882 tunnell a chanddi rigin llawn. Prynwyd y llong gan y Capten W. H. Owen, Plas Penrhyn, Dwyran, Sir Fôn. Roedd W. H. Owen yn berchen, neu'n rhannol berchen, ar nifer o longau masnach a oedd yn hwylio o Lerpwl ar draws y byd. Roedd y llongau hyn yn cario llwythi o bob math, ond roeddynt yn bennaf gysylltiedig â'r fasnach guano yn Ne America. Hwyliodd y 'Bramley Moore' ar draws y Môr Iwerydd sawl gwaith cyn cael ei dryllio gerllaw arfordir De America ym mis Medi 1864.