Dyddiadur taith penwythnos o Lerpwl i Ogledd Cymru ym 1820 a ysgrifennwyd gan Richard M. Jackson. Cyflwynodd y dyddiadur i'w chwaer, 'Miss M. Jackson for her approval and revisal by her affectionate brother'.
Teithiodd R. M. Jackson yng nghwmni tri chyfaill. Aethant i Parkgate, gan groesi afon Dyfrdwy mewn ysgraff i Fagillt, gan deithio yn eu blaenau i Dreffynnon, Caerwys, Dinbych, Llanrhaeadr, Rhuthun, yr Wyddgrug a'r Fflint, cyn dychwelyd i Lerpwl. Yn ystod y daith fe wnaethant ymweld â Ffynnon Gwenffrewi yn Nhreffynnon a'r cestyll yn Ninbych, Rhuthun a'r Fflint. Wrth iddynt ddychwelyd, dringodd dau o'r criw i ben Moel Fama.