Roedd y Rhyfel Byd Cyntaf gan fwyaf yn sefyllfa annatrys. Wynebodd lluoedd y Cynghreiriaid a'r Almaen ei gilydd, o'u ffosydd, dros Dir Neb ar hyd Ffrynt y Gorllewin. Am tua phedair blynedd ni fu unrhyw symudiadau arwyddocaol ar y naill ochr na'r llall, a daeth y ffosydd yn aneddiadau sefydlog i'r milwyr oedd yn byw ynddynt. Roedd amodau byw'n erchyll ac, er bod y gelyn yn agos, roedd cyfnodau hir o lonyddwch. Yn ystod cyfnodau o'r fath byddai'r milwyr yn ysgrifennu llythyrau adref a gwneud eu cartref mor gysurus â phosibl.

Gwnaed yr arwydd hwn gan filwyr i'w hongian uwchben mynedfa ffos a ddefnyddiwyd gan Gwmni Gwarchae Rhif 1 o Beirianwyr Brenhinol Sir Fynwy.