Datblygodd y telesgop hwn, sydd hefyd yn cael ei alw'n delesgop siswrn neu delesgop clustiau cwningen, yn ystod y Rhyfel Byd Cyntaf, ac fe'i defnyddiwyd drwy gydol yr Ail Ryfel Byd. Roedd yn eistedd ar drybedd, a byddai cadlywydd y fagnelfa'n ei ddefnyddio i fesur pellter cyn brwydr.

Cadlywydd y fagnelfa oedd yn gyfrifol am ddisgyblaeth tanio, tactegau tanio ac am gyfarwyddo a rheoli tanio'r fagnelfa o bedwar i chwe gwn mawr. Ar y pryd, roedd tactegau tanio'n golygu penderfynu ar safleoedd y fagnelfa a dewis targedau, ac roedd disgyblaeth tanio'n golygu paratoi'r fagnelfa a dechrau tanio.