Ffotograff o Graig y Ddinas, ar gyffordd Ceunant Sychnant ac Afon Mellte, Glyn-nedd. Wedi ei lleoli'n agos at y ffin rhwng siroedd Brycheiniog a Morgannwg, mae nifer o raeadrau, ogofeydd a ffurfiannau calchfaen trawiadol yn y cyffiniau. Mae Craig y Ddinas yn un o'r nifer o leoliadau sy'n gysylltiedig â chwedl Arthur.

Erbyn heddiw, Craig y Ddinas yw'r safle dringo mwyaf poblogaidd yn y rhan hon o Gymru, ac mae 75 o wahanol ddringfeydd i fyny'r wyneb.