Cist waddol dderw. Byddai cistiau yn cael eu defnyddio i gadw dillad neu ddillad gwely ac ar achlysur priodas, byddai cist bren yn cynnwys dillad gwely a blancedi yn cael ei chyflwyno i'r briodferch - yr enw a roddid ar y math hon o gist oedd 'cist waddol'. Mae'r llythrennau a'r dyddiad 'L.A.K.A., 1671' wedi eu cerfio ar flaen y gist. Cyflwynwyd y gist hon i Lewis Anwyl a Katherine Anwyl, Parc, Llanfrothen, ar achlysur eu priodas ym 1671.