Cyflwynwyd yr adroddiad hwn gerbron Llys y Sesiwn Fawr yng Nghonwy ar 6 Ebrill 1795, gan John Hughes, crwner Sir Gaernarfon. Mae'r adroddiad yn ymwneud â dau archwiliad post-mortem a gynhaliwyd yn y sir. Cafodd y cyntaf ei gynnal ar 27 Tachwedd 1794, ar gorff Nathaniel Humphreys o Aber-erch a gafwyd yn farw mewn nant o'r enw Rhyd y Gwichiad. Roedd Humphreys wedi marw ar nos Lun, 24 Tachwedd 1794, ar ei ffordd yn ôl o Bwllheli lle bu'n yfed. Ymddengys iddo ddisgyn i'r nant ger y ffordd, ac iddo foddi wrth i'r llanw ddod i mewn. Cynhaliwyd yr ail archwiliad post-mortem ym Mhlas Pentir, plwyf Bangor, ar 4 Rhagfyr 1794, ar ôl i gorff William Jones gael ei ddarganfod ym Mhistyll Perfeddgoed. Nid oedd unrhyw dystiolaeth i awgrymu bod rhywun wedi ymosod ar William Jones a daeth y crwner i'r casgliad iddo farw yn y fan a'r lle, o bosibl ar ôl iddo gael ffit.