Anfonwyd y llythyr hwn, dyddiedig 19 Tachwedd 1860, o Rangoon at W. H. Owen gan Capten Robert Hughes, meistr ar long y 'Caroline'. Dywed Hughes ei fod wedi cyrraedd gerllaw goleudy Rangoon ar 16 Tachwedd ar ôl teithio am 140 o ddiwrnodau. Mae'n ymddiheuro wrth ei gyflogwr ac yn esbonio bod y llong wedi bod mewn damwain. Roedd y llong wedi cael ei gadael yng ngofal George Wailes, peilot trwyddedig, ond yn ystod y siwrnai i fyny'r afon fe aeth y llong ar y traeth a bu'n sownd ar y lan am ddwy awr.