Mae'r ddogfen hon yn rhestru'r bwyd a oedd yn cael ei roi i'r carcharorion yng Ngharchar Rhuthun ym 1851. Roedd carcharorion yn derbyn dognau penodol o fwyd i frecwast, cinio a swper a byddai'r ddogn honno yn amrywio o garcharor i garcharor, yn ôl hyd a natur eu dedfryd. Nid oedd llawer o amrywiaeth yn neiet y carcharorion - byddent yn derbyn sucan, bara, tatws a'r hyn a elwir yn 'scouse', sef 'lobsgows' neu gawl a oedd yn cynnwys cig eidion a thatws.