Defnyddiwyd y faner hon gan ymgyrchwyr Casnewydd tua 1912. Mae'r addurn yn y canol yn cynnwys ych a'r geiriau 'St Gwynlliw a'r Iawn'. Yn ôl chwedl o'r 12fed ganrif roedd Gwynlliw yn rheolwr Gwent a phan gafodd dröedigaeth at Gristnogaeth dywedwyd wrtho adeiladu eglwys lle y byddai'n canfod tarw gwyn a smotyn du ar ei dalcen. Daeth o hyd iddo ym Mryn Stow ac adeiladodd Eglwys Sant Gwynlliw yno. Cafodd ei barchu fel sant ac mae ei faner yn hongian yn Eglwys Sant Gwynlliw. Yn 1533 cludodd menywod faner Sant Gwynlliw rhwng gwŷr cadw Morganiaid Tredegyr a gwŷr cadw Herbertiaid o Sant Julian a pheidiodd yr ymladd. Y farn yw mai dyma'r rheswm i'r swffragetiaid fabwysiadu chwedl Gwynlliw yn eu brwydr dros y bleidlais.