Camera a ddatblygwyd gan Edwin Herbert Land (1909-91). Dyfarnwyd chwe doethuriaeth anrhydeddus iddo yn ystod ei oes. Treuliodd Land ei holl fywyd bron yn cymryd rhan mewn gwaith ymchwil i ddyfeisiau optegol a'u datblygu. Yn ystod yr Ail Ryfel Byd, datblygodd systemau optegol a systemau eraill at ddefnydd milwrol a chynigiodd ddamcaniaeth retinecs ar gyfer mecanwaith amgyffrediad lliw, yn ogystal â chreu camerâu a ffilmiau a oedd yn rhoi ffotograffau sych ar unwaith, a hynny mewn du a gwyn a lliw. Fodd bynnag, am y ffilm a'r camerâu ffotograff ar unwaith a wnaed yn enwog gan y cwmni a sefydlwyd ganddo, sef y Polaroid Corporation, y caiff ei gofio orau. Mae'n eithaf tebygol i'r camera hwn gael ei ddefnyddio i dynnu lluniau o safleoedd troseddau.