Yn y llythyr hwn, mae Elizabeth James yn gofyn am gymorth yr Arglwyddes Llanofer gydag ysgoloriaeth canu'r delyn i'w mab. Mae hi'n cydnabod bod telyn deires sydd yn eiddo i Arglwyddes Llanofer eisoes yn ei meddiant, gan i'r delyn gael ei rhoi ar fenthyg i'w diweddar fab, Ioan ab Ioan. Mae hi'n awr am wybod a fydd yr Arglwyddes yn fodlon ei chynorthwyo drwy gynnig ysgoloriaeth canu'r delyn i'w mab arall, Pedr ab Ioan; hefyd, a fydd hi'n fodlon iddo ddefnyddio'r delyn deires sydd eisoes yn eu cartref. Mae hi hefyd yn cadarnhau y bydd yn fodlon iawn dychwelyd y delyn ar unrhyw amser, os bydd yr Arglwyddes yn dymuno iddi wneud hynny.