Ffotograff o long ysbyty'r Hamadryad a oedd yn gwasanaethu morwyr a llongwyr Caerdydd o'r 1860au tan 1905. Cafodd y llong ryfel hon ei hadeiladu yn Noc Penfro ym 1823, ond ni chafodd ei defnyddio erioed ar gyfer ei pwrpas gwreiddiol. Er iddi gael ei symud yn ddiweddarach i Devonport ar gyfer ei ffitio, ni chafodd ei chwblhau ac ym 1866 cafodd ei thynnu i Gaerdydd i'w haddasu yn ysbyty ar gyfer 50 o gleifion. Roedd y llong wedi ei hangori yn nociau Caerdydd ar safle a gyflwynwyd yn rhodd gan Ardalydd Biwt, i'r gorllewin o'r fynedfa i Gamlas Morgannwg. Ym 1904 adeiladwyd ysbyty newydd ar y tir mawr ar gyfer morwyr Caerdydd, ac i gofnodi jiwbilî ddeimwnt y Frenhines Victoria. Agorwyd Ysbyty Frenhinol Hamadryad yn swyddogol ar 29 Mehefin 1905 gan y 4ydd Ardalydd Biwt. Cafodd y llong segur ei thynnu i Bideford, Dyfnaint, ar gyfer ei chwalu ond cafodd cloch y llong a'r blaenddelw eu cadw.