Llun o faner Merched y Wawr Cangen Capel Iwan gyda Mrs LG Roberts, Mrs Eulwen Jenkins a Mrs Esther Marks. Mrs Eulwen Jenkins a gynlluniodd a frodiodd y faner.
Y Faner – Saif pentref Capel Iwan ger cwm serth Cwm Cuch. Coedwigedd sydd ar ochrau’r cwm, does dim lle ar ei waelod i ddim ond afon a heol ac ambell ddôl hirfain. Dyma Glyn Cuch ble bu Pwyll Pendefig Dyfed yn hela. Mae’r faner yn dangos Pwyll yn cyfarfod â Rhiannon am y tro cyntaf.