Llun o ran o Arddangosfa Clywed y Cyn-Cuddiedig yn Amgueddfa Abertawe am Ysbyty Castell Hensol. Yn y llun hwn, mae modd i chi weld ymwelydd yn cymryd rhan mewn gweithgarwch a oedd yn efelychu'r gwaith a gwblhawyd gan breswylwyr yng Nghastell Hensol yn ystod eu therapi diwydiannol. Therapi diwydiannol oedd un o'r gweithgareddau dydd a oedd ar gael i breswylwyr Hensol, a'r gweithgarwch penodol hwn oedd creu beiros ar gyfer y farchnad gyffredinol. Barnwyd bod hwn yn rhoi diben ac ysgogiad i'r preswylwyr o ddydd i ddydd. Byddai'r preswylwyr y byddent yn cymryd rhan mewn therapi diwydiannol yn ennill cyflog bach o'r gwaith (llawer, llawer is na'r isafswm cyflog), a byddai modd iddynt wario'r arian hwn eu hunain. Mae nifer o gyn-breswylwyr yn cofio gwario'u harian yn y dafarn neu ar ddillad newydd. Yn yr arddangosfa, ail-grewyd hyn trwy ddangos beiros a dynnwyd yn ddarnau. Anogwyd yr ymwelwyr i roi'r beiros at ei gilydd fel rhywbeth i'w cadw o'r arddangosfa. Roedd y radio (a welir yn y llun ar ben pellaf y bwrdd) yn chwarae hanesion llafar ynghylch therapi diwydiannol a gweithgareddau hamdden, fel bod modd i ymwelwyr wrando ar y rhain wrth iddynt roi'r beiros at ei gilydd.