Llun o ran o Arddangosfa Clywed y Cyn-Cuddiedig yn Amgueddfa Abertawe am Ysbyty Castell Hensol. Yn y llun hwn, gallwch weld y rhan o'r arddangosfa lle'r ail-grewyd yr ystafell ddydd, gan ddangos y rhan o'r ysbytai lle y byddai'r preswylwyr yn treulio'u hamser yn ystod y diwrnodau pan nad oeddent y tu allan i'r ysbytai. I breswylwyr a ystyriwyd yn rhai 'gradd isel' (llai abl), byddent yn cael eu cau yn yr ystafelloedd hyn gan na fyddent yn cael yr un rhyddid â phreswylwyr 'gradd uchel', yr oeddent yn aml yn cael caniatâd i grwydro o gwmpas safle'r ysbyty neu i adael y safle ar deithiau. Byddai'r gwaith celf a fyddai'n cael ei hongian yn yr ystafelloedd hyn yn cael ei hongian yn uwch nag y byddai mewn cartrefi cyffredin bob amser, er mwyn atal y preswylwyr rhag peri niwed i'r gwaith celf, neu ei ddefnyddio er mwyn gwneud niwed i eraill. Byddai'r dodrefn mewn ystafelloedd dydd yn syml ac yn ddirodres. Ni fyddai gan breswylwyr fawr iawn o reolaeth dros y gweithgareddau a'r adloniant yn yr ystafelloedd dydd – megis y sianelau teledu neu radio; y staff yn yr ysbytai fyddai'n rheoli'r rhain.