Adeiladwyd rhwng 1787 a 1793 i ddal casgliad mawr o goed oren, lemwn a citrws a etifeddwyd gan Thomas Mansel Talbot. Mae'n adeilad rhestredig Gradd I ac ymhlith adeiladau clasurol gorau Cymru. Wedi'i gynllunio ym 1787 gan Anthony Keck, mae'r orendy wedi'i adeiladu yn y dull clasurol arferol, yn addurnol ei olwg ac yn ymarferol ei gynllun. Fe'i gwnaed o dywodfaen lleol y Pîl, gyda charreg Sutton o'r hen blasty yng nghefn yr adeilad. Gweithwyr yr ystâd ei hun wnaeth y rhan fwyaf o'r gwaith adeiladu a gostiodd £16,000 ar y pryd.