Mae Siambr Gladdu Tinkinswood yn dyddio'n ôl i'r Cyfnod Neolithig ym Mhrydain. Roedd wedi'i gorchuddio â phridd yn wreiddiol, felly'r siambr gladdu hon yw'r unig olion o'r pentref a fu. Beddrod yn arddull Hafren-Cotswold ydyw, sydd gyda'r mwyaf ym Mhrydain. Fe'i crëwyd o galchfaen yn pwyso tua 40 tunnell - pwysau tebyg i lori gymalog. Arferai'r siambr gladdu hon ddal tua 920 o esgyrn dynol o dros 50 o unigolion, a chafodd fflintiau a chrochenwaith wedi torri eu darganfod yma wrth gloddio ym 1914.