Dyma gêm fwrdd ar gyfer un person, lle mae gofyn symud pegiau neu farblis ar fwrdd â thyllau neu bantiau. Daw'r dystiolaeth gyntaf ma y gêm o lys Louis XIV ym 1697, gydag engrafiad o'r flwyddyn honno gan Claude Auguste Berey yn darlunio Anne de Rohan-Chabot, Tywysoges Soubise gyda'r pos wrth ei hochr. Mae argraffiad 1697 o'r cylchgrawn Ffrengig Mercure galan cyn cynnwys disgrifiad o'r bwrdd, y rheolau ac enghreifftiau o broblemau. Mewn gêm gyffredin caiff y bwrdd ei lenwi â phegiau heblaw am y twll canol. Y nod yw gwneud symudiadau dilys a gwagio'r bwrdd cyfan heblaw am un peg olaf yn y twll canol.