Inc, dyfrlliw a gouache ar bapur, gan John Piper oddeutu 1949-1950.

Mae Piper wedi dewis portreadu Tryfan Bach yma – sef y graig fawr unionsyth ar y chwith. Mae’r marciau gwyn ar y dde yn cynrychioli’r haenau tywodfaen, ac mae’n bosibl mai cen neu redyn marw yw’r marciau coch ar y gwaelod. Yn ei nodiadau, mae Piper yn disgrifio cen melyn crôm ac oren crôm. Mae’r ddau liw’n ymddangos yn y
llun hwn, gan ychwanegu tipyn o fywiogrwydd lliwgar i olygfa digon llwyd ar y cyfan. Efallai mai patrymau a adawyd ar y creigiau gan gen coll
yw’r troellau gwyn sydd ar ochr chwith isaf y llun.
Cafodd hwn ei beintio oddeutu 1949-50, pan oedd Piper yn rhentu ffermdy Bodesi gerllaw. Gan fod
Tryfan ar garreg y drws, roedd hi’n hawdd i Piper archwilio’r creigiau wrth droed y mynydd.

Rhif cyfeirnod: DA008137