Dyma un o'r nifer o flociau a ganfuwyd oedd yn cynnwys rhan o sgerbwd y deinosor Jwrasig bach, Dracoraptor hangani. Cafodd Dracoraptor hangani ei ddarganfod yn 2014 gan y brodyr Nick a Rob Hanigan. Theropod yw'r deinosor, tua 50cm o daldra, a chanddo gynffon hir. Roedd yn ysglyfaethwr ac yn bwyta mamaliaid bach, madfallod ac ymlusgiaid eraill. Yn y bloc yma mae esgyrn llaw a bysedd, yn ogystal â chrimog (fibula) ac asgwrn gwegil uwch (supraoccipital). Mae'r esgyrn deinosor i'w gweld yn Amgueddfa Genedlaethol Caerdydd ar y funud, ochr yn ochr â model maint llawn a grëwyd gan y palaeo-artist Bob Nicholls, sy'n dangos sut y byddai'r deinosor wedi edrych pan oedd yn fyw, 200 miliwn o flynyddoedd yn ôl.