Cynhwysion

• pwys o datws
• pedair owns o flawd
• dwy owns o siwgr
• owns o ymenyn
• dwy owns o gyrens
• ychydig o laeth

Dull

• Berwi’r tatws a’u ‘pwnno’n dda. (Gellir defnyddio’r tatws sydd yn weddill ar ôl cinio, os dymunir.)
• Toddi’r ymenyn i mewn i’r tatws ac yna ychwanegu’r defnyddiau sych atynt, gan gymysgu’r cyfan yn dda.
• Eu gwlychu ag ychydig o laeth yn ôl yr angen, nes cael toes meddal.
• Rhoi’r toes ar fwrdd pre nag ychydig o flawd arno, a’i yrru’n dorth gron, heb fod yn rhy drwchus.
• Crasu’r dorth ar blanc gweddol boeth nes cael lliw melyngoch ar y ddwy ochr.
• Taenu ymenyn arni i’w bwyta.

Dinas Cross, Penfro.

Yr oedd gwneud bara tato yn ddull cyffredin o ddefnyddio’r tatws a fyddai’n weddill ar ôl cinio mewn llawer ardal yn sir Benfro a sir Aberteifi.