Cynhwysion

• gwaed mochyn ar ddiwrnod ei ladd
• peint o ddŵr
• ychydig o halen
• winwns
• llysiau cymysg i’w flasu
• ychydig o flawd ceirch
• perfedd mân y mochyn
• ychydig o’r braster oddi ar berfedd mân y mochyn

Dull

• Arllwys y gwaed i ddysgl fawr pan fo’n gynnes a’i droi’n gyson nes ei fod wedi oeri. (Y mae’r troi yn ei rwystro rhag mynd yn lympiau.)
• Yna cymysgu peint o ddŵr ac ychydig o halen i mewn iddo a’i adael dros nos.
• Golchi’r perfedd yn drwyadl (y tu mewn a’r tu allan) a’i roi i sefyll mewn dŵr a halen dros nos.
• Gorchuddio’r winwns (wedi’u malu) a’r darnau o fraster â blawd ceirch, eu blasu â’r llysiau a’u cymysgu i mewn i’r gwaed oer.
• Rhoi’r cymysgedd hwn i mewn yn y perfedd mân, clymu’r ddeupen â llinyn gan adael rhyw gymaint o le i’r pwdin chwyddo wrth ei fod yn berwi.
• Berwi’r pwdin mewn sosban fawr am ryw hanner awr ac yna ei hongian i sychu mewn lle cyfleus.
• Ffrio tafell neu ddwy o’r pwdin gyda chig moch yn ôl yr angen.

Nantgarw, Morgannwg.