Dyma’r 'traethawd buddugol ar y buddioldeb a ddeillia oddiwrth gadwedigaeth yr iaith Gymraeg a dull wisgoedd Cymru' a gyhoeddwyd gan yr Arglwyddes ym 1836. Enillodd wobr gyntaf am y gwaith yn Eisteddfod Gwent a Dyfed 1834.

Yn y traethawd mae'r Arglwyddes yn annog menywod Cymru i wisgo brethyn Cymreig. Roedd hi’n poeni am boblogrwydd deunyddiau mwy ffasiynol, fel sidan a chotwm, ymysg y to iau. Ei nod oedd hybu’r diwydiant gwlân a gwneud i fenywod deimlo’n falch o’u gwisgoedd traddodiadol.