Dyma ymateb RM Parry a Chris Glynn, cyfarwyddwyr artistig Gwyl Coleridge yng Nghymru, i arddangosfa Ffrwydrad Tawel: Ifor Davies a Dinistr Creadigol yn Amgueddfa Genedlaethol Cymru. Hen Galan.

"Mari Lwyd.

Penglog ceffyl. Ar bolyn. Wedi’i orchuddio gan gynfas.

Mae hi’n…
grair o gwlt ceffylau Rhufeinig, ceffyl Rhiannon, defod baganaidd, Mari Lwyd, gyda Mr Pwnsh am gwmni, a’r canu o garolau, yn cael ei gymryd o amgylch y tafarnau, wedi colli ei le yn y stabl oherwydd genedigaeth Crist, yn rhedeg trwy’r canrifoedd rhwng y blynyddoedd, tri dyn yn mynd i ddrws cymydog ar brynhawn gaeaf, diferyn o’r llwybr llaethog, cân roedd eich tadcu yn canu, gwarchodwr y meirw o bob oedran, yn ceisio mynediad, gwrthod, caniatáu, anllad, condemnio, pryderu, caru, hoffi, cofio, cyfarfod, colli, y Teulu Sanctaidd yn teithio i alltudiaeth yn yr Aifft, yn gysylltiedig â hen ddefod pen gafr Rufeinig, heb gofnod, peri trafferth, cario, rhagflaenwyd gan sarsiant, yn gwisgo clychau, cŵn yn cyfarth ato, clustiau cochion, , …
Mae sawl myth am ei tharddiad.

Ac yma, ar stepen drws, dyma rywun o’r tu allan a rhywun o’r tu mewn yn trafod mynediad, yn bryfoclyd, heno ar yr hen Nos Galan – mewn defod wedi’i osod ar bolyn a’i orchuddio gan gynfas – yn cynrychioli’r esthetig o groesawu geiriau a chaneuon chwareus. "