488.49 - Paentiwyd y llun dyfrlliw hwn gan Mary Davidona de Winton, o Lanfrynach, Sir Frycheiniog (1866-1961). Mae’n debyg bod y gylfinog, neu narcissi, yn tyfu o amgylch cartref Mary. Maent yn blodeuo yn y gwanwyn. Rhwng y 18fed ganrif a dechrau’r 20fed ganrif, roedd menywod cefnog yn cael eu hannog i astudio botaneg. Er bod rhai menywod yn artistiaid botanegol proffesiynol, nid oedd cymdeithas yr oes yn credu y dylai gwraig barchus ennill arian.