Dim rhif - Mae gwerth gwyddonol casgliad o wyau’n dibynnu ar yr wybodaeth sydd wedi’i chofnodi amdanynt, fel lle a phryd y cawsant eu casglu. Mae’n debyg bod rhywun wedi rhoi’r wyau hyn i Amgueddfa Powysland cyn 1922. Mae casglu a chadw wyau adar gwyllt yn eich meddiant yn drosedd dan gyfraith y DU ac Ewrop. Defnyddir casgliadau hanesyddol o wyau sydd mewn amgueddfeydd, ac sydd wedi’u cofnodi’n dda, yn aml ar gyfer ymchwil, er enghraifft monitro lefelau llygredd a newidiadau amgylcheddol.