Yn y llythyr hwn mae David a William Rees yn disgrifio'r llong maent yn hwylio arni sydd yn cario tua 750 o ymfudwyr a tua mil tunnell o gargo. Disgrifir ei fod yn mesur cant a hanner o lethennau o hyd wrth hanner cant o lethennau o led. Mae’r llong yn gorfod stopio ar un o ynysoedd Cape Varde i gael llenwad o glo ar gyfer gweddill y daith. Ar y pwynt yma mae’r ddau frawd tua thair mil o filltiroedd o Gymru ond sydd ddim eto yn hanner y daith. Esbonnir ganddynt eu bod wedi bod yn hwylio am wyth diwrnod heb weld unrhyw dir ers gadael Vigo yn Sbaen.

David Gwilym Rees a William Gwilym Rees oedd meibion David Gwilym Rees (yr un enw) a Gwenllian Gwilym Rees. Cartref y teulu oedd Pencaerlan, Blaenbulais, Castell Nedd. Anfonwyd y dau frawd allan i Batagonia yn 1905 ar ol clywed am farwolaeth eu brawd Rees (Rhys) Gwilym Rees a ymfudodd yno oddeutu 1885. Bwriad y daith i’r Wladfa oedd i ofalu a setlo stad ei brawd ond yno arhosodd y ddau ac bu farw nhw hefyd yn Y Wladfa. Mae llinach David Gwilym Rees yn parhau yn Gaiman hyd heddiw.