Llanvelig 1254, Llanvyllyn c.1291, Llanvetlin 1293, Lanvethling 1309, Llanvilling 1504, Llanfylling 16g. gynnar, Ll.fyllinn c. 1566, Ll.mylling ymhowys 1575, Llanvulling 1583, Llanvelling 1588, Llanvylling 1702. O bosib hefyd Llanwyllyn 1383. Llan + enw pers. (Sant) Myllin. Mewn rhai sillafiadau gellir cael -g 'parasitig' ar ei ôl, fel a geir mewn enwau cyffelyb sydd yn gorffen -in. Ychydig a wyddys am Myllin: cafodd ei enwi fel sant Gwyddelig Moling (Melingus yn ôl Gerallt Gymro); byddai hynny yn helpu esbonio diwedd sillafiadau megis Llanfylling. Noda Dafydd ap Gwilym reg leol gan Sant Myllin: O danyn, eiddyn oddef, Meillion awr, Myn Myllin Nef. Ymddengys bod chwedl frodorol gynt yn honni bod Myllin yn tarddu o 'mewn llyn' am fod y sant byth a beunydd yn y dŵr yn bedyddio plant !