Kegitua em Powys 12g., Kegidua 1254, Kegidua, Kegitua 1265, (pencenedl de) Kykydua 1271, Kekydena 1310, Kekydeva 1376, Kegitiva 1379, 1401, ynghegitua 15g., Kegidva ar ôl 1505, Kegidfa c.1566
Guildesfield, -ffelde 1278, Guldesfeld’ 1286, Guldeffeld 1288, 1329-30, Guldesfeld 1329, 1402, Gillesfeld 1535, Gylsefelde 1547, Guilsfielde 1588, Gilsfild 1597, Guildsfielde 1747-8

Cegid ‘cegid, cecs + -fa, ma, ‘lle’. Mae Guilsfield yn fwy anodd; digwydd yn ddiweddarach na Cegidfa; cafodd ei enw, o bosib, gan arglwyddi Powys, megis Greenhall (isod), ond mae ei ystyr yn annelwig. Fel enw Saes. gallai fod yn ‘Gyldi’s field’ (Melville Richards) neu rywbeth cyfflyb, ond ai cyd-ddigwyddiad ydyw mai ‘field’ yw cyfieithiad bras o –fa? Mae’n ddeniadol gweld cysylltiad rhwng Guldes- a lliw aur rhai aelodau o rywogaeth umbelliferæ sy’n cynnwys panasen wyllt, ffenigl, ac yn wir crogedyf (neu cegiden), wen a chegiden y dŵr. Mae’r enw hwn wedi ymestyn dychymyg eraill: cais gan rai oedd ‘Field of Giles’ (er bod yr G- bob amser yn galed yn Guilsfield) < Cegidfa, ‘wedi’i ystumio i Cae Egidua, the Field of Egidius’ (Egidius yw ffurf Ladin arferol ar Gilies), tra bod Phillimore yn meddwl bod rhyw debygrwydd â lle a ddehonglwyd ganddo fel Guilford ar fap o’r Trallwng 1629. Yn anffodus camddarlleniad o Huilford, h.y. Oldford, yn y Trallwng ydyw, yn ôl pob tebyg. Nawddsant eglwys Cegidfa yw Aelhaearn ac ymddengys mai syniad Thomas Pennant, hynafiaethydd enwog y 18g. Oedd hyn yn wreiddiol.