Yn y gegin bwrpasol hon o ddechrau'r 1970au ym Mryndraenog, Bugeildy, fe welwn ni ddechreuadau math newydd o gegin, un ag arwynebau hawdd eu glanhau a dyfeisiau ffasiynol i arbed gwaith - fel yr agorwd tuniau ar y wal, y cyflenwr te, y tostiwr a'r tegell. Mae defnyddiau newydd fel Formica, dur di-staen a phapur wal sy'n hawdd ei lanhau yn golygu bod y gegin, serch ei bod yn ofod ymarferol, yn lle dymunol yr olwg. Yn ddiddorol ddigon, ffwrn fach sydd yno yn lle un fawr ac mae'r bwrdd ciniawa â dalennau plyg yn llai nag y disgwylid ei weld mewn tŷ arferol. Mae'r hambwrdd lliwgar yn dwyn i gof y math newydd o wyliau hedfan rhatach, ac yn y gegin y câi eitemau o'r fath, fel lliain llestri â rysáit arno, eu harddangos fel rheol.