Tynnwyd y llun hwn o gegin tŷ parod yn Bishpool ger Casnewydd yn 2003 ychydig cyn i’r tŷ gael ei ddymchwel. Mae yno lu o ychwanegiadau modern fel y ffwrn ficrodon a goleuadau stribed, ond ni fu fawr o newid ar ei gynllun modern golau ac agored ers ei godi gyntaf yn y 1950au. Cynlluniwyd tai parod gan y Weinyddiaeth Weithfeydd i ddarparu’r cartrefi dros dro yr oedd cymaint o’u hangen ar ôl yr Ail Ryfel Byd. Fe’u codwyd o amgylch craidd canolog, sef cegin ag oergell a ffwrn, dŵr twym o’r tap, gofod storio, a goleuadau a socedi trydan.