Byddai tocyn siop drwco wedi ei dalu fel cyflog. Nid yw cyflogau trwco yn cael eu talu mewn arian confensiynol ond yn hytrach maent yn gyflogau sy’n cael eu talu ar ffurf tocynnau gan adwerthwyr.

Mae cyflogau trwco yn rhan o gyfundrefn sydd wedi ei gwahardd gan nifer o wledydd. Mae cyfundrefn drwco yn twyllo ac/ neu’n ecsbloetio gweithwyr drwy ddarparu gwerth marchnadol is na’r hyn a fyddai fel arfer yn cael ei dalu am yr un gwaith. Mae cyfundrefn drwco’n cyfyngu’r gallu i ddewis sut i wario eich enillion. Dibynna cyfundrefn drwco ar system economaidd gaeedig lle mae gofyn bod y gweithwyr yn rhwym wrth adwerthiant monopoli mewn nwyddau craidd.

Gwaharddwyd y gyfundrefn drwco yn y Deyrnas Unedig ym 1831 pan basiwyd Deddf Drwco 1831. Roedd y ddeddf yn arwyddocaol oherwydd diddymodd ddeddfau blaenorol ac o’i herwydd ehangwyd amddiffyniadau yn erbyn ecsbloetio drwy gyflog, drwy ei wneud yn anghyfreithlon i gyflogwyr dalu gweithwyr mewn nwyddau yn hytrach nag arian cyfreithiol.

Y ddelwedd ar yr wyneb blaen: Delwedd o ffatri weithredol
Y testun ar yr wyneb cefn: MERTHYR / 5TH SEP. 1811 (gydag olion y gair [TOK]EN yn weladwy a’r llythyren L wedi ei ail-lunio)
Rhoddwyd i’r Amgueddfa yn 2004

Cyfeirnod yr Amgueddfa CCM 593.004