Mae Ellis Davies, Fferm Betlands, Llanddewi, Gŵyr yn disgrifio gwreiddiau ffermio ei deulu yn Sir Gaerfyrddin, eu symud i Gŵyr, a'i lwybr ei hun o waith fferm i ddod yn ddarlithydd coleg amaethyddol wrth aros mewn cysylltiad ag amaethyddiaeth.
Trawsgrifiad:

ED: Roedd fy nheulu ar ochr fy nhad yn bobl o Sir Gâr a oedd yn siarad Cymraeg, a symudon nhw i fro Gŵyr i gael fferm fwy. Maen nhw'n deulu mawr, a doedd y fferm lle'r oedden nhw ddim yn ddigon mawr i'w cadw i gyd, felly roedd yn rhaid iddyn nhw fentro i ardal newydd a daeth fy nhad-cu i ardal Gŵyr a dyma lle'r arhoson ni ers hynny.
Gadewais i'r byd ffermio. Roeddwn ar y fferm pan oeddwn yn iau, a'm brawd hefyd, hanes yn ailadrodd ei hun. Roedden ni'n gallu gweld... roedd e'n 17 mlynedd yn hŷn na fi ac erbyn yr adeg y gadewais i'r ysgol, roedd e' wedi priodi a chanddo dri o feibion, felly gallem ragweld y byddai problemau yn y dyfodol. Felly dywedodd fy mam wrtha i, Ellis, ti'n eitha' da yn yr ysgol felly cer di i gael crefft neu gael rhywbeth. Fel elli di wastad dod nôl i'r fferm ond cer i gael rhywbeth, a dyna beth wnes i. Es i ysgol nos ac yna i Brifysgol Caerdydd, ces i radd addysgu a des i'n ddarlithydd mewn coleg amaethyddol a gwnes i hynny nes i fi ymddeol. Ie. Felly er ei fod mewn coleg amaethyddol ac roeddwn i'n addysgu amaethyddiaeth, roeddwn i'n dal i ymwneud â'r maes y cefais fy magu ynddo, felly roedd hynny'n braf.