Cynhelir gorymdaith Jiwbili Bwcle yn flynyddol ar yr ail ddydd Mawrth ym mis Gorffennaf. Sefydlwyd Jiwbili Bwcle yn swyddogol ym 1856 fel rhan o gyfarfodydd y mudiad dirwest, ond mae'n debyg iddo darddu o gynulliadau cymunedol cynharach. Defnyddiwyd y term 'Jiwbili' yn swyddogol ym 1871 pan ddatblygodd y cyfarfod yn ddathliad blynyddol ar gyfer yr ysgolion Sul lleol. Erbyn diwedd y bedwaredd ganrif ar bymtheg roedd y Jiwbili yn ddigwyddiad cymdeithasol pwysig a gorymdeithiai cannoedd o bobl drwy'r dref i gyfeiliant bandiau pres.