Adeiladwyd capel Blaenpennal yn 1783, ond mae ei wreiddiau i'w canfod yng ngweithgarwch y Parch. Phylip Pugh (1679-1760), a anwyd gerllaw yn yr Hendre, lle gofrestrodd un o'r tai allan yn dŷ cwrdd ar gyfer y Presbyteriaid. Un ymwelydd cyson â'r Hendre oedd Daniel Rowland, Llangeitho. Er nad oedd Pugh yn Fethodist, gynghorodd Rowland ar dechnegau pregethu a'i helpu i dyfu yn un o bregethwyr mawr Cymru. Yn sŵn y Diwygiad Methodistaidd, a yrrwyd i raddau helaeth gan Rowland o'i bulpud yn Llangeitho, cafodd capel Blaenpennal ei sefydlu.