Fin nos ar 10 Mai 1941, cwympodd awyren Messerschmitt Almaenaidd i'r ddaear ger Eaglesham yn yr Alban. Honnodd y peilot mai ef oedd Rudolph Hess, dirprwy Hitler, a'i fod wedi cael ei anfon â neges i ofyn am heddwch gyda Churchill. Fe'i arestiwyd yn fuan wedi iddo ddisgyn ac fe'i gadwyd mewn nifer o wahanol fannau diogel hyd at ddiwedd y rhyfel pan anfonwyd ef i sefyll ei brawf yn Nuremburg am droseddau rhyfel ac yna'i drosglwyddo i Garchar Spandau.

Rhwng 1942 a 1945, cadwyd Hess yn Ysbyty Milwrol Maindiff Court, Y Fenni, ac un noson, anfonodd landlord lleol ddwy botel o gwrw at y carcharor. Y diwrnod canlynol dychwelwyd labeli un o'r poteli ato gyda llofnod arno a honnir mai un Hess ydyw.

Yn anffodus ceir peth amheuaeth ynglŷn â dilysrwydd y llofnod - efallai mai jôc ar ran un o warchodwyr Hess ydoedd?

Ffynhonnell:
Gwybodaeth yn Amgueddfa y Fenni