Ganwyd George Jacob Rees yn Llandaf a chyn y rhyfel roedd yn byw yn Nantgarw. Ymrestrodd â'r fyddin yng Nghaerffili gan ymuno â'r "Cardiff Pals", 11th Battalion Welch Regiment. Cymerodd ran yn ymgyrch Salonika (h.y. yr ymgyrch yn erbyn Bwlgaria, un o gynghreiriaid yr Almaen). Fe'i lladdwyd yn ystod Brwydr Doiran (18 Medi 1918) pan gafodd y Cardiff Pals, unedau o'r Ffiwsilwyr Cymreig Brenhinol a'r South Wales Borderers eu difodi wrth ymosod ar safleoedd oedd wedi'u hamddiffyn yn gryf ar fynydd y Grande Couronne. Hysbyswyd ei deulu ynglŷn â'i farwolaeth ar 11 Tachwedd 1918 - Diwrnod y Cadoediad.