Roedd Griffith Jones yn y 13eg Bataliwn, y Ffiwsilwyr Brenhinol Cymreig (Royal Welch Fusiliers), ac fe aeth i Ffrainc ym mis Rhagfyr 1915. Ysgrifennwyd y llythyr hwn ar 5 Chwefror 1916: dyma ddetholiad o gynnwys y llythyr (gyda'r sillafu gwreiddiol): Annwyl Dad a Mam a Theulu oll Dyma fi eto yn cael cyfleustra o ysgrifennu ychydig linellau atoch gan fawr obeithio eich bod ar i fynu i gyda fel finau. Wel derbyniais y ddau barcel y bora yma a da iawn oedd genyf eu cael. Mi dderbynais y diary hefyd un bach handy iawn. ... Pan ddof allan y tro yma wyf yn mynd i gael 8 diwrnod o orffwystra a da iawn fydd genyf ei gael hefyd nid yn gorfforol yn unig, ond yna feddyliol. Wel rhaid i mi derfynu heddyw gan anfon fy ngofion anwylaf atoch i gyd. Ydwyf eich mab, Gito, Ta ta Mam Bach