Ffotograff o'r casgliad helaeth 'Tai Brycheiniog / Houses of Breconshire' sydd yng ngofal Amgueddfa ac Oriel Brycheiniog. Dechreuwyd arolwg o dai arwyddocaol y sir ym 1959 gan y Pwyllgor Addysg fel gwasanaeth i athrawon. Gwnaed cofnod o dai mawr a bach, mewn trefi ac yng nghefn gwlad, gyda ffotograffau a darluniau mesuredig. Gan fod nifer o'r adeiladau mewn cyflwr gwael ar y pryd, mae'r adnodd hwn yn gofnod gwerthfawr o bensaernaeth tai traddodiadol, yn arbennig gan fod rhai ohonynt wedi eu dymchwel neu wedi eu haddasu a'u newid yn sylweddol.

Adeiladwyd Trebarried House, plasty 17eg ganrif ger Llandefalle, ar gyfer un o deulu'r Vaughaniaid.