Cartref erbyn hyn yw'r adeilad hwn yn 9, Station Road, Brynaman. Yn y 1920au a'r 1930au roedd yn siop deganau'n perthyn i Mrs Thomas ac roedd Martha Lizzie Beynon yn gweini yno. Yn y 1950au roedd yn siop losin yn perthyn i Miss Aurelia Jones ac roedd yn fan poblogaidd i blant y pentref ar eu ffordd i sinema Brynaman. Tad Miss Jones oedd Mr Gomer Jones a oedd hefyd yn berchen ar siop losin yn 34, Station Road, Brynaman.