Mae tudalen gyntaf y llythyr hwn ar goll. Nid yw Owen wedi clywed oddi wrth y rhai sydd yn y Drenewydd ers sbel. Dywed nad yw'n gweld fawr o arwydd o'r 'Rhyfel Mawr' hwn yn dod i ben, dywed 'them men that is keeping this war on ought to come and stand in these places, and [see] what we have to go through for few minutes to see how would they like it'.
Mewn ôl-nodyn dywed Owen fod y fan lle y mae nawr yn dawel iawn gydag ond hanner awr o gerdded i'r pentref a dywed 'there is plenty of Boozers out in France, they are very near every other door'. Dywed ei fod yn mynd i fewn i rai o'r tafarndai weithiau er mwyn cael ychydig o goffi: 'it is very nice, we try and keep our hearts up and enjoy ourselves'.
Dywed wrth ei deulu ei fod yn meddwl amdanynt yn aml ond mae'n dweud wrthynt am beidio â phoeni.