Ymddangosa Owen yn ddigalon yn y llythyr hwn a anfonwyd o Wersyll Thirtle Bridge. Yn dilyn gorymdaith lle cafodd bothellau gwael ar ei draed cymhara'i hunan â hen geffyl sydd wedi ffwndro. Mae'n cwyno am yr amodau sy'n dirywio yn y tŷ coginio gydag ond wyth ohonynt yn gweithio yno yn awr yn hytrach nag un deg saith neu ddeunaw. Cymhara garfan o ddynion sy'n gadael am Ffrainc â haid o ddefaid yn cael eu hanfon at y cigydd. Sonia Owen hefyd am farwolaeth bachgen o'r enw Evan Davies mewn ysbyty'n Ffrainc, mae wedi sôn amdano o'r blaen wrth ei deulu. Roedd Evan wedi bod adref yn ddiweddar yn claddu ei frawd yn dilyn damwain beic. Gwna Owen sylw ar ba mor ofnadwy yw hi ar y rhieni yn colli dau fab ifanc.