Yn y llythyr hwn a anfonwyd o Wersyll Thirtle Bridge, Withernsea, Sir Efrog, mae Owen yn diolch i'w rieni am y llythyr a'r parsel a gofynna os yw'r menyn wedi dod o fferm Penybank neu Graigwen. Mae wedi derbyn llythyr oddi wrth Evan [ei frawd] ac mae'n falch nad oes yn rhai iddo ymuno yn ystod y cyfnod oer hwn. Nid yw Owen ei hun wedi teimlo'n rhy oer eto gan ei fod yn gweithio yn y tŷ coginio. Serch hynny, mae'n cwyno ynglŷn â'r oriau hir ac am y prinder amser i eistedd i lawr a bwyta. Bydd yn anfon ei wasgod adref i'w golchi ar ddechrau'r wythnos.