Mae Owen wedi symud i Wersyll Saethyddiaeth yn Hornsea, Swydd Efrog, ac yn y llythyr hwn disgrifia sut maent yn cael eu paratoi ar gyfer ymladd. Fe anfonwyd ef allan i'r 'ffosydd' ond dywedwyd wrtho gan y rheiny a oedd yn gadael y gwersyll na fyddai'n rhaid iddo weithio'n rhy galed dim ond saethu ar y maes. Mae'n nodi bod angladd wedi cael ei gynnal dydd Sadwrn; roedd un o'r milwyr wedi nofio allan yn rhy bell yn y môr ac wedi boddi, dyma'r trydydd i farw fel hyn hyd yn hyn. Sonia mai ychydig iawn o fwyd sydd ar gael ond bod dau YMC gerllaw a dywed 'Mi wnawn yn allright tra wnaiff y geiniog ddal'. Esbonia Owen mai cyflog y milwyr traed yw 3/0 a 4/0 bob pythefnos ac efallai y bydd angen mwy o arian arno'n fuan. Mae hefyd yn ystyried anfon gwasgod a phâr o sanau adref i'w golchi.