Dyma ffotograff o’r diweddar Oliver Phillips, cyn-filwr Peirianwyr Brenhinol yn yr Ail Ryfel Byd, yn derbyn medal 'Dunkirk' gan faer y dref. Gwasanaethodd Oliver ym Myddin Prydain ym 1940, wrth i frwydr Ffrainc agosáu at ddiwedd dramatig ar draethau Dunkirk. Ym 1970, ehangodd Cymdeithas Genedlaethol Cyn-filwyr Ffrainc y gallu i roi’r fedal i bersonél Prydeinig, a arweiniodd at gyflwyno’r wobr i Oliver. Byddai mab Oliver, Bernard, yn ei ddilyn i’r Fyddin yn ddiweddarach, pan gafodd ei gonsgriptio i’r Gatrawd Gymreig ym 1951.