Dyma ffotograff o filwyr Catrawd Cymru a dynnwyd ym 1952. Mae'r milwyr mewn system ffosydd ar Fryn 355 yng Nghorea yn ystod Rhyfel Corea. Mae Bernard Phillips o Lanelli, perchennog y ddelwedd, i'w weld ar y dde eithaf. Gellir gweld casgliad o ddeunydd sy'n ymwneud â gwasanaeth Bernard, gan gynnwys disgrifiadau o'r amodau y mae'r ddelwedd hon yn eu portreadu, ar-lein yng nghasgliad Bernard yn Archif Cyn-filwyr Gorllewin Cymru ar wefan Casgliad y Werin Cymru.