Roedd y Drenewydd wedi cynnal diwrnod chwaraeon blynyddol ers 1875. Bryd hynny, fe'i cynhaliwyd dan nawdd Iarll Powys a'r Anrhydeddus Arglwydd Sudley o Gregynog. Ond, erbyn y 1880au, roedd yn elwa o nawdd Pryce Jones a ganiataodd yn garedig i'w ystâd Dolerw gael ei defnyddio fel y lleoliad. Erbyn 1887, gyda'i ddyfarnu'n farchog gan y Frenhines Victoria, roedd yn dod yn ddigwyddiad cynyddol fawreddog, gyda nid yn unig chwaraeon, ond band pres a chystadlaethau cerddorol eraill. I oruchwylio'r dathliadau, ffurfiwyd pwyllgor arbennig - Pwyllgor Chwaraeon a Hamdden Warws Brenhinol Cymru - a ddaeth yn fuan yn glwb hamdden y cwmni gyda'i gae chwaraeon ei hun, y Maes Hamdden, sy'n dal i fodoli hyd heddiw. Mae'r llyfryn cofrodd hwn o 1907 yn dal rhywfaint o gyffro'r digwyddiad blynyddol pwysig hwn ym mywyd y Drenewydd, a ddenodd gystadleuwyr o ardal eang o Gymru a Lloegr.